ठाणे महानगरपालिका (Thane Municipal Corporation) ने 23 एप्रिलपासून 24 तास पाणीपुरवठा बंद राहणार असल्याची घोषणा केली आहे. गुरुवार, 23 एप्रिल दुपारी 12 वाजल्यापासून ते शुक्रवार, 24 एप्रिल दुपारी 12 वाजेपर्यंत हा पाणीपुरवठा बंद राहणार आहे.

महाराष्ट्र औद्योगिक विकास महामंडळाकडून (Maharashtra Industrial Development Corporation) सुरू असलेल्या अत्यावश्यक तांत्रिक दुरुस्ती आणि सुधारणा कामांमुळे करण्यात येत आहे.

या कालावधीत दिवा आणि कळवा भागात पूर्णपणे पाणीपुरवठा बंद राहणार आहे. मुंब्रा भागातही बहुतांश ठिकाणी पाणीपुरवठा बंद असेल, मात्र प्रभाग क्रमांक 26 आणि 31 मधील काही भागांना याचा अपवाद असेल. तसेच वागळे इस्टेट आणि माजीवाडा-मानपाडा परिसरातील कोलशेत खालचा गाव भागातही पाणीपुरवठा खंडित होणार आहे.

या बंदमागील कारण म्हणजे जांभूळ जलशुद्धीकरण प्रकल्प परिसरातील बारवी ग्रॅव्हिटी चॅनेल क्रमांक 1, 2 आणि 3 वर MIDCकडून महत्त्वाचे काम हाती घेण्यात येणार आहे. शहराच्या पाणीपुरवठा यंत्रणेची दीर्घकालीन स्थिरता सुनिश्चित करण्यासाठी ही कामे आवश्यक असल्याचे सांगण्यात आले आहे.

दरम्यान, नागरिकांनी पाणी साठवून ठेवावे, पाणीपुरवठा सुरू झाल्यानंतर पुढील 1 ते 2 दिवस कमी दाबाने पाणी येण्याची शक्यता लक्षात घ्यावी आणि पाण्याचा जपून वापर करावा, असे आवाहन प्रशासनाने केले आहे.

हेही वाचा

राज्य सरकारने ऑटो रिक्षा चालकांंसाठी मराठी अनिवार्य करण्याचा निर्णय घेतला आहे. ऑटोरिक्षा चालक (auto drivers) तसेच टॅक्सी चालक मराठी भाषेच्या चाचणीत उत्तीर्ण झाल्यानंतरच त्यांचा परवाना कायम करण्यात येणार आहे.

ऑटोरिक्षा तसेच टॅक्सी चालक (taxi drivers) या चाचणीत उत्तीर्ण झाले नाही तर त्यांचा परवाना रद्द करण्याचे शासनाने आदेश काढले आहेत.

या पार्श्वभुमीवर महाराष्ट्र (maharashtra) नवनिर्माण सेनेने (mns) शहरातील ऑटो-रिक्षा चालकांसाठी मोफत मराठी भाषेचे वर्ग सुरू केले आहेत.

मनसे मीरा-भाईंदर शहर अध्यक्ष संदीप राणे यांच्या नेतृत्वाखाली आज मीरा रोड (mira road) येथे या कार्यक्रमाचे उद्घाटन करण्यात आले.

उद्घाटन सत्राला चांगला प्रतिसाद मिळाला, ज्यात 100 ते 150 ऑटो-रिक्षा चालकांनी भाषा शिकण्यासाठी स्वेच्छेने सहभाग घेतला.

चालकांनी या उपक्रमाबद्दल मोठा उत्साह व्यक्त केला आणि हे वर्ग आयोजित केल्याबद्दल मनसेचे आभार मानले.

सरकारने सर्व परवानाधारक ऑटो-रिक्षा आणि टॅक्सी चालकांना मराठी भाषेचे ज्ञान असणे अनिवार्य केले आहे. या नियमाची 1 मे पासून कठोरपणे अंमलबजावणी होणार आहे.

हे वर्ग आयोजित करून, स्थानिक चालक आगामी नियामक आवश्यकतांची पूर्तता करण्यासाठी सुसज्ज असावेत, हे सुनिश्चित करणे मनसेचे उद्दिष्ट आहे.

हेही वाचा

म्हाडाने (Maharashtra Housing and Area Development Authority) मुंबईतील आपल्या चार गृहनिर्माण वसाहतींचा क्लस्टर पद्धतीने पुनर्विकास करण्याचा निर्णय घेतला आहे. या निर्णयानुसार बोरिवली, चारकोप, गोराई आणि खार येथील वसाहतींचा समावेश करण्यात आला आहे. जुन्या आणि जीर्ण झालेल्या इमारतींचे आधुनिकीकरण करण्यावर भर दिला जाणार आहे.

म्हाडाच्या मुंबई मंडळाच्या बैठकीत हा निर्णय घेण्यात आला. या प्रकल्पांची अंमलबजावणी कन्स्ट्रक्शन अँड डेव्हलपमेंट (C&D) मॉडेलनुसार केली जाणार आहे. त्यासाठी खासगी विकसकांची नियुक्ती केली जाईल. या प्रस्तावाला पुढील एका महिन्यात राज्य सरकारकडे मंजुरीसाठी पाठवण्यात येणार आहे.

अधिकाऱ्यांच्या मते, या वसाहतींमधील अनेक इमारती अतिशय जुन्या असून त्यांची अवस्था खालावलेली आहे. यापूर्वी इमारत-निहाय पुनर्विकास करण्यात येत होता,. मात्र त्यातून मर्यादित सुधारणा होत होत्या. त्यामुळे आता क्लस्टर पद्धतीचा अवलंब करण्यात येत आहे.

या नव्या पद्धतीमुळे रहिवाशांना अधिक प्रशस्त घरे, सुधारित पायाभूत सुविधा आणि आधुनिक सोयी-सुविधा मिळणार आहेत. तसेच रस्ते, मोकळी मैदाने आणि सार्वजनिक जागांचे अधिक नियोजनबद्ध विकास करणे शक्य होणार आहे.

प्रस्तावित प्रकल्पांमध्ये सर्वाधिक मोठे भूखंड चारकोप आणि गोराई येथे असून, त्यानंतर बोरिवली आणि खार येथील वसाहतींचा समावेश आहे. हा उपक्रम म्हाडाच्या मुंबईतील गृहनिर्माण प्रकल्पांचे आधुनिकीकरण करण्याच्या व्यापक योजनेचा एक भाग आहे.

हेही वाचा

मुंबईमध्ये (mumbai) सध्या ढगाळ वातावरण आणि दमट स्थिती असून, भारतीय हवामान (weather) विभागाने (IMD) उत्तर कोकणाच्या (konkan) काही भागांत हलक्या पावसाचा अंदाज वर्तवला आहे.

IMD च्या माहितीनुसार, शहरात ढगाळ वातावरण (climate) कायम राहण्याची शक्यता आहे, तर ठाणे आणि पालघरसारख्या लगतच्या जिल्ह्यांमध्ये हलक्या सरी कोसळू शकतात.

मुंबईच्या काही उपनगरांमध्ये तुरळक रिमझिम पावसाची नोंद झाली असून, हे मान्सूनपूर्व (mumbai rains) हालचालींची सुरुवात असल्याचे संकेत देत आहे.

हवामानातील या बदलामुळे दिवसाच्या तापमानात किंचित घट झाली असली, तरी आर्द्रतेचे प्रमाण मात्र उच्च पातळीवर कायम आहे.

अधिकाऱ्यांनी पुढील काही दिवसांत महाराष्ट्राच्या काही भागांत मेघगर्जनेसह वादळी वारे वाहण्याची शक्यताही वर्तवली आहे.

काही विभागांमध्ये ‘यलो अलर्ट’ (पिवळा इशारा) जारी करण्यात आला असून, संभाव्य प्रतिकूल हवामानाबाबत रहिवाशांना सावध करण्यात आले आहे.

हवामानाची ही सध्याची स्थिती, संपूर्ण प्रदेशात गेल्या काही दिवसांपासून जाणवत असलेल्या उकाड्यापासून तात्पुरता दिलासा देईल अशी अपेक्षा आहे.

हेही वाचा

सोमवारी सकाळी डोंबिवली (dombivli) रेल्वे स्थानकाजवळ एका रिकाम्या उपनगरीय लोकल ट्रेनचा डबा रुळावरून घसरल्याने, व्यस्त असलेल्या मध्य रेल्वेवरील  (central railway) रेल्वे सेवा विस्कळीत झाली.

ही घटना सकाळी अंदाजे 8:09 वाजता घडली, जेव्हा ट्रेनचा डबा कळवा कारशेडहून कल्याण (kalyan) जंक्शन रेल्वे स्थानकाकडे जात होता.

दरम्यान, रुळावरून घसरलेल्या लोकल ट्रेनजवळ (local train) गर्दी जमली होती. अनेक कार्यालयीन कर्मचारी प्लॅटफॉर्मवर लोकल ट्रेनची वाट पाहत ताटकळत उभे होेते.

प्राथमिक माहितीनुसार, रिकाम्या लोकल रेकचा एक डबा स्टेशनजवळ येत असताना रुळावरून घसरला, ज्यामुळे वाहतुकीत तात्पुरता अडथळा निर्माण झाला.

घटनेच्या वेळी ट्रेन प्रवासी सेवेत नसल्याने, कोणतीही जीवितहानी झाली नाही, असे अधिकाऱ्यांनी सांगितले. मात्र, रेल्वे घसरल्यामुळे सकाळच्या गर्दीच्या वेळी उपनगरीय वाहतुकीवर परिणाम झाला.

रुळांवरील अडथळ्यामुळे किमान तीन लोकल ट्रेन्स थांबल्या, परिणामी छत्रपती शिवाजी महाराज टर्मिनस (csmt) आणि मार्गावरील इतर महत्त्वाच्या ठिकाणांकडे प्रवास करणाऱ्या प्रवाशांना विलंब झाला.