भायखळा (byculla) येथील वीरमाता जिजाबाई भोसले वनस्पती उद्यान व प्राणिसंग्रहालयात लवकरच गुजरातच्या सिंहांची गर्जना कानी पडणार आहे.

मुंबईच्या (mumbai) महापौर रितू तावडे यासाठी गुजरातचे मुख्यमंत्री भूपेंद्र पटेल यांना पत्र लिहून सिंह (lion) देण्याची मागणी करणार असल्याचे पालिका प्रशासनाकडून सांगण्यात आले.

दक्षिण मुंबईतील भायखळा येथील वीरमाता जिजाबाई भोसले वनस्पती उद्यान व प्राणिसंग्रहालय हे लाखो पर्यटकांचे आकर्षण ठरले आहे.

पालिकेच्या या उद्यान व प्राणिसंग्रहालयात 15 पेंग्विन, दोन वाघ, शेकडो प्रकारचे पक्षी, हत्ती, हरणे, माकडे, तरस, अजगर आदी प्रकारचे 13 जातीचे 84 सस्तन प्राणी, 19 जातींचे 157 पक्षी आहेत.

याशिवाय 256 प्रजातींचे आणि 6611 वृक्ष-वनस्पती आहेत. तर रंगीत करकोचा, छत्रबलाक, विविध प्रकारचे बगळे, सारस असे पाणथळ पक्षी आहेत.

त्यामुळे लहानांसह मोठ्यांनाही राणी बाग (Rani Baugh) नेहमीच खुणावत आली आहे. परंतु आता राणी बागेतील प्राणिसंग्रहालयात गुजरातच्या सिंहांची डरकाळी कानी पडणार आहे.

मुंबईच्या महापौर रितू तावडे लवकरच गुजरातचे मुख्यमंत्री भूपेंद्र पटेल यांना पत्र लिहून राणीच्या बागेसाठी सिंहांची मागणी करणार आहेत.

गुजरात राज्यात आशियाई सिंहांची संख्या सर्वाधिक असल्यामुळे एक किंवा दोन सिंह मुंबईला देण्याची विनंती या पत्रातून केली जाणार आहे.

वीरमाता जिजाबाई भोसले उद्यान अर्थात राणीच्या बागेत सिंहांसाठी आवश्यक जागा आणि सुविधा उपलब्ध असल्याचे प्राणिसंग्रहालयाकडून सांगण्यात आले. गेल्या अनेक वर्षांपासून राणीच्या बागेत मोठा नवीन प्राणी दाखल झालेला नाही.

हेही वाचा

वांद्रे (bandra) येथील ऐतिहासिक सेंट पीटर्स चर्चला 12.64 कोटी रुपयांच्या थकबाकी कर बिलासाठी मालमत्ता लिलाव करण्याची महापालिकेची नोटीस मिळाली आहे.

चर्चचा असा दावा आहे की ही वादग्रस्त जमीन 2010 मध्ये विकली गेली होती.

वांद्रे येथील सेंट जॉन द बॅप्टिस्ट रोडवर असलेला हा भूखंड, 1732.85 चौरस मीटर क्षेत्रात पसरला आहे. या जमिनीवरील मालमत्ता सांताक्रूझ, खार, फोर्ट आणि इतर परिसरातील अनेक मालमत्तांपैकी एक आहे ज्या लिलावासाठी (auction) ठेवण्यात आल्या आहेत.

सेंट जॉन द बॅप्टिस्ट रोडवरील भूखंडाच्या बाबतीत, नोटीसमध्ये असे म्हटले आहे की मालमत्ता कर 7.52 कोटी रुपये आहे आणि त्यावर 5.12 कोटी रुपये दंड आकारण्यात आला आहे.

मुंबई महानगरपालिका कायदा, 1888 च्या नियम 206 (2) अंतर्गत उपनिर्धारक आणि जिल्हाधिकारी यांनी नोटीस जारी केली होती.

हिल रोड येथील सेंट पीटर्स चर्चचे पॅरिश पुजारी फादर ल्यूक रॉड्रिग्ज म्हणाले की, चर्च प्रशासनाने हे प्रकरण त्यांच्या वकिलाकडे पाठवले आहे.

चर्चने म्हटले आहे की मालमत्ता विकली गेली असली तरी कर बिल अजूनही त्यांच्या नावावर आहे.

सेंट पीटर चर्च त्याच्या भव्य रोमनेस्क वास्तुकला आणि त्याच्या उत्साही समुदायासाठी ओळखले जाते.

मूळतः 1852 मध्ये बिशप हार्टमन यांनी स्थापन केलेले हे चर्च 1938 मध्ये सध्याच्या रचनेने बदलले गेले जेणेकरून मोठ्या मंडळींना सामावून घेता येईल.

हे चर्च सेंट स्टॅनिस्लॉस हायस्कूल आणि सेंट जोसेफ कॉन्व्हेंटशी जवळून जोडलेले आहे, जे या परिसरातील जुन्या शैक्षणिक संस्था आहेत.

हेही वाचा

मुंबईतील छत्रपती शिवाजी महाराज आंतरराष्ट्रीय विमानतळ (Chhatrapati Shivaji Maharaj International Airport) येथे प्रवाशांना परवडणारे खाद्यपदार्थ आणि पेये उपलब्ध करून देण्यासाठी नवीन ‘उडान यात्री कॅफे’ सुरू करण्यात आले आहे.

या कॅफेचे 20 फेब्रुवारी 2026 रोजी केंद्रीय नागरी उड्डाण मंत्री नायडू यांच्या हस्ते व्हर्च्युअल उद्घाटन करण्यात आले. विमानतळावरील सेवा अधिक बजेट-फ्रेंडली आणि सर्वसामान्य प्रवाशांसाठी सुलभ करण्याचा या उपक्रमाचा उद्देश आहे.

साधारणपणे विमानतळांवरील खाद्यपदार्थ महाग असतात. मात्र, ‘उडान यात्री कॅफे’मध्ये चहा आणि पॅकबंद पाणी सुमारे 10 रुपयांत उपलब्ध आहे. तर कॉफी, नाश्त्याचे पदार्थ आणि हलके खाद्यपदार्थ सुमारे 20 रुपयांत दिले जात आहेत.

हा कॅफे टर्मिनल 2 मधील डिपार्चर चेक-इन क्षेत्रात सुरू करण्यात आला आहे. सुरक्षा तपासणीपूर्वी प्रवाशांना सहजपणे येथे खाद्यपदार्थ घेता येतील.

विमानतळावरील प्रवासी अनुभव सुधारण्याच्या आणि अत्यावश्यक खाद्यपदार्थ परवडणाऱ्या दरात उपलब्ध करून देण्याच्या व्यापक प्रयत्नांचा हा एक भाग आहे.