मुंबईतील नरीमन पॉइंट येथे भारतातील आघाडीची मोटरस्पोर्ट आणि सिम रेसिंग संस्था Mumbai Falcons Racing Limited (MFRL) ने आपले अत्याधुनिक नवीन मुख्यालय सुरू केले आहे. भारतीय क्रिकेटपटू आणि F1® इंडिया प्रोग्रामचे ब्रँड अॅम्बेसेडर श्रेयस अय्यर (Shreyas Iyer) यांच्या हस्ते या मुख्यालयाचे उद्घाटन करण्यात आले.
सुमारे 6,000 चौरस फूट क्षेत्रफळ असलेले हे मुख्यालय भारतातील पहिले समर्पित Formula 1® सिम रेसिंग-केंद्रित कार्यालय आणि ऑपरेशन्स सेंटर आहे. स्पर्धात्मक सिम रेसिंग, ई-स्पोर्ट्स नवकल्पना, प्रतिभा विकास आणि समुदाय सहभागासाठी हे केंद्र महत्त्वाची भूमिका बजावणार आहे.
हे मुख्यालय मुंबई फाल्कन्स रेसिंगच्या जागतिक कामकाजाचे प्रमुख केंद्र म्हणून कार्य करणार. खेळाडू विकास, कामगिरी विश्लेषण, करिअर मार्गदर्शन, स्पर्धा नियोजन आणि आंतरराष्ट्रीय स्पर्धांचे व्यवस्थापन एकाच छताखाली केले जाणार आहे.
यावेळी मुंबई फाल्कन्स रेसिंगचे व्यवस्थापकीय संचालक अमीत घाडोके (Ameet Ghadoke) यांनी सांगितले की, हे केंद्र उदयोन्मुख रेसर्स आणि सिम रेसिंग खेळाडूंना जागतिक दर्जाचे प्रशिक्षण, विश्लेषण आणि स्पर्धात्मक संधी उपलब्ध करून देईल.
तसेच भारताला जागतिक मोटरस्पोर्ट क्षेत्रात मजबूत स्थान मिळवून देण्याच्या दिशेने हे महत्त्वाचे पाऊल असल्याचे त्यांनी नमूद केले. या नवीन मुख्यालयामुळे भारतातील मोटरस्पोर्ट आणि सिम रेसिंग क्षेत्रासाठी सक्षम आणि शाश्वत परिसंस्था निर्माण करण्याच्या संस्थेच्या प्रयत्नांना अधिक गती मिळणार आहे.
हेही वाचा
