राज्य मंत्रिमंडळाच्या बैठकीत महाराष्ट्र (maharashtra) पोलिस दलात सुमारे 15 हजार पोलिसांची भरती करण्याच्या निर्णयाला मंजुरी देण्यात आली आहे. मुख्यमंत्री देवेंद्र फडणवीस (devendra fadnavis) यांच्या नेतृत्वातील गृह मंत्रालयाने हा निर्णय घेतला.

राज्य मंत्रिमंडळ बैठकीत कोणते निर्णय?

1. गृह विभाग – महाराष्ट्र पोलिस दलात सुमारे 15 हजार पोलिस भरती करण्यास मंजुरी देणयाचा निर्णय बैठकीत घेण्यात आला.

2. अन्न, नागरी पुरवठा विभाग – राज्यातील रास्त भाव दुकानदारांच्या मार्जिनमध्ये वाढ करण्यात आली आहे. सार्वजनिक वितरण व्यवस्थेअंतर्गत शिधापत्रिकाधारकांना अन्नधान्य वितरण करण्याचा निर्णय झाला आहे.

3. विमानचालन विभाग – सोलापूर-पुणे-मुंबई हवाई प्रवासासाठी Viability Gap Funding निधी देण्याचा निर्णय घेण्यात आला.

4. सामाजिक न्याय आणि विशेष सहाय्य विभाग – सामाजिक न्याय व विशेष सहाय्य विभागाच्या अखत्यारित महामंडळांमार्फत राबवण्यात येणाऱ्या विविध कर्ज योजनेतील जामीनदाराच्या अटी शिथिल करण्यात आल्या आहेत. शासन हमीस पाच वर्षासाठी मुदतवाढ देण्याचा निर्णय घेण्यात आला आहे.

तसेच बेकायदा बांधकामांमुळे चर्चेत असलेल्या ठाणे महापालिका (thane municipal corporation) क्षेत्रातील अनधिकृत बांधकामावरील दंड माफ करण्याचा निर्णय राज्य सरकारने घेतला आहे. नगरविकास विभागाने सोमवारी याबाबतचा शासन निर्णय काढला.

हेही वाचा

पालिकेच्या मालमत्ता चित्रपट-ओटीटी शूटिंगसाठी वापरल्या जाणार

वसई विरार शहरातील महापालिका परिवहन सेवा ठप्प

बृहन्मुंबई महानगरपालिकेने (बीएमसी) विविध मालमत्तांना अधिकृत चित्रीकरण स्थळे म्हणून निवडले आहे. महानगरपालिका आयुक्त भूषण गगराणी यांनी या उपक्रमाला पाठिंबा दिला आहे. या उपक्रमाचे उद्दिष्ट चित्रीकरण मंजुरी सुलभ करणे आणि चित्रपट निर्माते आणि डिजिटल कंटेंट निर्मात्यांसाठी एक उत्तम ठिकाण म्हणून मुंबईचे आकर्षण वाढवणे आहे.

“अर्थव्यवस्थेचा एक महत्त्वाचा आधारस्तंभ असलेल्या मुंबईतील मनोरंजन उद्योगाला जागतिक दर्जाच्या सुविधा प्रदान करण्यासाठी बीएमसीने हा उपक्रम राबवला आहे, असे बीएमसी आयुक्त आणि प्रशासक भूषण गगराणी यांनी सांगितले.

हिंदुस्तान टाईम्सच्या वृत्तानुसार, निवडलेल्या ठिकाणांच्या सुरुवातीच्या यादीत भायखळा येथील टेक्सटाइल म्युझियम, दादरमधील गिरगाव चौपाटी आणि चैत्यभूमी येथे नव्याने उघडलेले व्ह्यूइंग डेक, नुकतेच उद्घाटन झालेले मलबार हिल वॉकवे, जोगेश्वरीतील शिल्पग्राम गार्डन आणि ग्रँट रोडमधील गिल्डर टँक म्युनिसिपल स्कूल यांचा समावेश आहे. वडाळा थिएटर देखील समाविष्ट केले जाणार आहे.

हेही वाचा

मुंबई : पानबाई-वाकोला उड्डाणपुलाचे उद्घाटन

भारतीय निवडणूक आयोगाकडून 334 पक्षांची नोंदणी रद्द

केंद्रीय मंत्री नितीन गडकरी यांनी देशभरातील वाहनधारकांसाठी एक मोठी घोषणा केली आहे. 15 ऑगस्टपासून भारतीय राष्ट्रीय महामार्ग प्राधिकरण (NHAI) अंतर्गत येणाऱ्या टोल नाक्यांवरून प्रवास करणाऱ्यांसाठी फास्टॅग वार्षिक पास उपलब्ध होणार आहे. यामुळे प्रवासादरम्यान टोल नाक्यांवर होणारी गर्दी कमी होण्यासोबतच आणि वेळेची बचत देखील होणार आहेत.

हा वार्षिक पास 3000 रुपयांमध्ये खरेदी करता येईल आणि त्यामध्ये तुम्हाला एका वर्षात 200 टोल मुक्त फेऱ्या मिळतील. हा पास खासगी चारचाकी वाहने, जीप आणि व्हॅनसाठीच लागू आहे.

व्यावसायिक वाहनांसाठी मात्र ही योजना उपलब्ध नाही. 17 जून रोजी केंद्र सरकारने याबाबत अधिसूचना जारी केली होती. त्यामुळे प्रवाशांमध्ये उत्सुकता निर्माण झाली होती. आता 15 ऑगस्टपासून फास्टॅग वार्षिक पास उपलब्ध होणार आहे.

हा पास खरेदी करण्यासाठी तुम्हाला NHAI च्या अधिकृत संकेतस्थळावर किंवा त्यांच्या अॅपवर जावे लागेल. तिथे फास्टॅग पात्रतेची पडताळणी केल्यानंतर तुम्ही 3000 रुपयांचे ई-पेमेंट करू शकता. पेमेंट झाल्यावर दोन तासांत तुमचा पास अॅक्टिव्हेट होईल. हा पास एक वर्ष किंवा 200 फेऱ्यांसाठी वैध राहील. तसेच कोणत्याही वाहनांना हस्तांतरित करता येणार नाही किंवा दुसऱ्या वाहनासाठी वापरता येणार नाही.

हा पास पुणे-नाशिक, पुणे-सोलापूर आणि इतर द्रुतगती महामार्गांवर वापरता येईल. मात्र, मुंबई-पुणे एक्स्प्रेसवे आणि नागपूर-मुंबई समृद्धी महामार्गावर हा पास लागू होणार नाही, हे लक्षात घेणे महत्त्वाचे आहे.

हेही वाचा

गोराई खारफुटी उद्यानाचे उद्घाटन लांबणीवर

कल्याण-शिळफाटा मार्गावरील वाहतुकीत मोठे बदल