BMC ने बुधवारी पोइसर नदीच्या एका उपनाल्यावर असलेल्या 100 मीटर लांब पुलाचा पाडकाम करण्याचा प्रस्ताव मांडला आहे.

स्थानिकांनी आरोप केला आहे की, हा पूल लोअर आणि अपर कोळीवाडा यांना जोडणारा एकमेव ब्रिज आहे. त्यामुळे हा पूल पाडल्यास भयंकर ट्राफिक समस्यांचा सामना करावा लागू शकतो. 

अधिकाऱ्यांनी सांगितले की, या ब्रिजला तीन दशकांहून अधिक वर्ष झाली असतील. त्यामुळे हा ब्रिजने जीर्णावस्था गाठली आहे. हा ब्रिज कोस्टल रेग्युलेशन झोन (CRZ) अंतर्गत येतो, यामुळे पाडकाम करणं आवश्यक झाले आहे.

“हा पुल विकास आराखडा 2034 चा भाग आहे, पण संरचनात्मक तपासणीत तो असुरक्षित आढळल्याने पाडकाम आणि पुनर्बांधणीचा निर्णय घेण्यात आला आहे,” असे एक अधिकाऱ्याने TOI ला सांगितले. 

रहिवाशांनी इशारा दिला की, पूल पाडल्यास कोळीवाडा भागातील नागरिकांची गैरसोय होईल. नागरिकांना समुद्रकिनारी असलेल्या रस्त्याने 700 मीटरचा फेरफटका मारून जावे लागले. 

“अधिकाऱ्यांनी नागरिकांचा सल्ला घेतलेला नाही. तसेच ब्रिड पाडल्यास रुग्णवाहिका आणि अग्निशमन दलाला कठिण होऊन जाईल,” असे एका स्थानिक रहिवाशाने सांगितले आहे.

BMC ने सांगितले आहे की, ते दोन वर्षांत नवीन पूल उभारण्याची योजना करत आहे ज्यामध्ये पादचारी रस्ता, रेलिंग्ज अशा गोष्टींचा समावेश आहे. 

मालमत्ता करार, भाडेकरार, वारसा हक्कपत्र यासह इतर महत्त्वपूर्ण कागदपत्रांची नोंदणी आता मुंबईतील (mumbai) सहा जिल्हाधिकारी कार्यालयात कुठेही करणे शक्य होणार आहे.

महसूल विभागाने (Revenue Department) दस्त नोंदणी प्रक्रियेत मोठा बदल करत मुंबईतील क्षेत्रीय मर्यादेची अट रद्द केली आहे. महसूल विभागाच्या या निर्णयामुळे मुंबईकरांची धावपळ व वेळेची बचत होणार आहे.

मुंबई शहर, अंधेरी (andheri), कुर्ला, बोरिवली (borivali) आणि ओल्ड कस्टम हाऊसजवळील (old custom house) प्रधान मुद्रांक कार्यालयातील जिल्हाधिकारी या 6 कार्यालयांपैकी कोणत्याही ठिकाणी दस्त नोंदणी करता येणार आहे.

आधी ज्या भागात व्यक्ती किंवा व्यवसाय होता अथवा आहे त्या भागातीलच कार्यालयात नोंदणी करणे बंधनकारक होते, पण आता ती अट काढून टाकण्यात आली आहे.

आतापर्यंत क्षेत्रीय अटीमुळे लोकांना दूरच्या कार्यालयात जाणे, रांगेत उभे राहणे तसेच उशीरापर्यंत वेळ खर्च करणे इ. त्रासाला सामोरे जावे लागत होते.

परंतु आता नागरिकांना आपल्या सोयीप्रमाणे कोणत्याही कार्यालयात नोंदणी करता येणार आहे. महसूल विभागाने या निर्णयासंदर्भात अधिकृत राजपत्र जारी केले आहे.

याबाबत प्रशासनाकडून सुधारणा तत्काळ लागू करण्यात आली आहे. त्यामुळे दिवाळीपूर्वीच ही सुविधा नागरिकांसाठी मोठा दिलासा ठरणार आहे.

जमीन मोजणीसाठी सध्या 90 दिवस ते 160 दिवस लागायचे. आता जमीन मोजणी 30 दिवसांत पूर्ण होणार आहे. महसूल मंत्री चंद्रशेखर बावनकुळे यांनी याबाबतचा निर्णय नुकताच जाहीर केला आहे.

हेही वाचा

मुंबई उच्च न्यायालयात नवीन पदांची भरती

वसई-विरार: पालिकेचा बेकायदेशीर बांधकामावर पुन्हा हातोडा

दिवाळीच्या निमित्ताने मुंबईतील (Mumbai) शिवाजी पार्कवर ठाकरे बंधूंचा दिवाळी धमाका पाहायला मिळणार आहे.

मनसेच्यावतीने मुंबईतील शिवाजी पार्क मैदानावर दरवर्षी दीपोत्सव साजरा केला जातो. यंदाही दिवाळीच्या अगोदर दीपोत्सव सोहळा संपन्न होणार असून यंदाचा हा सोहळा खास असणार आहे. कारण, शिवाजी पार्कवरील मनसेच्या दीपोत्सव 2025 सोहळ्याचे उद्धाटन यंदा चक्क शिवसेना पक्षप्रमुख उद्धव ठाकरे करणार आहेत.

उद्धव ठाकरेंचं नाव मनसेच्या दीपोत्सव पुत्रिकेत छापल्याने अनेकांच्या भुवया उंचावल्या आहेत. ठाकरे बंधू दिवाळीतच राजकीय धमाका करतात की काय याची देखील चर्चा होत आहे. 

आगामी महापालिका निवडणुकांच्या अनुषंगाने शिवसेना आणि मनसे एकत्र येणार असल्याचे आता जवळपास निश्चित मानले जात आहे.

शाळेतील तिसरी भाषा मराठा असावी, या मुद्द्यावरुन एकत्र येत ठाकरे बंधूंमधील दुरावा कमी झाला असून गेल्या 2 महिन्यातील जवळीक सर्वांनाच आश्चर्य वाटणारी आहे. राज ठाकरेंच्या शिवतीर्थ बंगल्यावर उद्धव ठाकरेंची भेट असो किंवा, मातोश्री बंगल्यावर राज ठाकरेंचे स्वागत असो.

गेल्या काही दिवसांत ठाकरे बंधूंच्या जवळपास 7 ते 8 वेळा भेटी झाल्या आहेत. त्यात, दोनवेळा बंद दाराआड चर्चाही झाली असून आता दिवाळीच्या पार्श्वभूमीवर शिवसेना-मनसे पुन्हा एकत्र येत आहे.

तसेच, राज ठाकरे आणि उद्धव ठाकरेही पुन्हा एकत्र येत आहेत. त्यामुळे, दिवाळीत शिवाजी पार्कवरुनच राजकीय धमाका होतो की काय, असा प्रश्न अनेकांना पडला आहे.

हेही वाचा

BMC Election साठी प्रभाग रचना जाहीर

निवडणूक आयोगाचे मोठे पाऊल, आता…