अंडरवर्ल्ड डॉन अरूण गवळी सध्या जामीनावर बाहेर आहे. बाहेर येताच अनेक चर्चा देखील रंगल्या आहेत. येणाऱ्या महापालिका निवडणुकीत अरूण गवळी उतरणार असल्याची चर्चा सुरू आहे. पण अरूण गवळी यांनी आपल्या पुढील राजकीय वाटचालीबाबत महत्त्वाची माहिती दिली आहे.

अरूण गवळीचा अखिल भारतीय सेना हा पक्ष आहे. सध्या पक्षाचं काम सक्रीय पणे होत नाही. पण गवळी बाहेर आल्यामुळे या पक्षाला उभारी मिळेल अशी चर्चा आहे. काही काळ हा पक्षा त्याच्या मुलीने सांभाळला होता. त्या पक्षाच्या नगरसेवकही झाल्या होत्या. आता गवळी बाहेर आल्यामुळे आगामी मुंबई महापालिका निवडणूक अखिल भारतीय सेना लढवणार का याची चर्चा सुरू झाली आहे.

अरूण गवळी हा स्वत:आमदार राहीला आहे. त्याने लोकसभेची निवडणूक ही लढवली होती. त्यात त्याला चांगली मतं ही मिळाली होती. त्यांना मानणारा वर्ग भायखळ्यात मोठ्या प्रमाणावर आहे. त्यामुळेच मुंबई महापालिकेची निवडणूक डॅडी लढणार का असं विचारण्याच आलं.

त्यावर बोलताना अरूण गवळी म्हणाला, मला सर्व जण आपला मानतात. लोक प्रेम करतात. पण आता लिडर शिप करण्याची आपली इच्छा नाही. मला राजकारणात कोणताही इंटरेस्ट नाही. त्यामुळे मी आणि माझा पक्षा मुंबई महापालिकेच्या निवडणुकीत उतरणार नाही असं त्याने स्पष्ट केलं आहे. 

आगामी मुंबई महापालिकेच्या निवडणुकीत अरूण गवळी मैदानात असणार नाही. पण पडद्या मागून ते कोणाला पाठिंबा देतात याकडे सर्वांचे लक्ष नक्कीच असणार आहे.

हेही वाचा

मीनाताई ठाकरे यांचा पुतळा आता पारदर्शक काचेने बंदिस्त करणार

अलिबागला (alibag) भेट देणाऱ्या पर्यटकांना आता गोवा आणि केरळप्रमाणे स्थानिक स्तरावरील प्रवासासाठी मोटारसायकल (bike) व स्कूटर (scooty) भाड्याने घेण्याची सुविधा उपलब्ध होणार आहे.

अलिबाग हे किनारी शहर असल्याने बरीच पाहण्यासारखी पर्यटन स्थळे येथे आहेत. तसेच शहराजवळील मुरुड-जंजिरा, रेवदंडा, काशीद बीच येथील पर्यटन स्थळांना मोठ्या प्रमाणात पर्यटक भेट देतात.

या ठिकाणी अलिबागहून जाण्यासाठी साधारणत: बस, रिक्षा तसेच इतर खाजगी वाहतुकीचे पर्याय उपलब्ध आहेत. मात्र मोटारसायकल तसेच स्कूटरचा पर्याय उपलब्ध नसल्याने  ऑपरेटर्सना राज्य परिवहन विभागाने अधिकृत परवाने दिले असल्याची माहिती अधिकाऱ्यांनी दिली.

परिवहन विभागाच्या माहितीनुसार महाराष्ट्र (maharashtra) राज्य परिवहन प्राधिकरणाने ऑगस्टमध्ये ‘रेन्ट अ मोटरसायकल स्कीम, 1997’ अंतर्गत दोन परवाने मंजूर केले.

या योजनेनुसार नोंदणीकृत ऑपरेटरना ठराविक नियम व सुरक्षितता मानके पूर्ण केल्यानंतर तासावर किंवा दिवसावर दुचाकी पर्यटकांना व अल्पकालीन वापरकर्त्यांना भाड्याने देता येतात.

ही योजना 1997 मध्ये सुरू झाली होती. पहिल्या दहा वर्षांत काही परवाने दिल्यानंतर, महाबळेश्वरमध्ये टॅक्सी व रिक्षाचालकांच्या विरोधामुळे सरकारने 2015 मध्ये ही योजना स्थगित केली होती. मात्र, यावर्षी जूनमध्ये राज्य सरकारने नऊ वर्षांचा निर्बंध उठवला आणि पुन्हा या योजनेला मार्ग मोकळा करून दिला.

हेही वाचा

2041 पर्यंत मुंबईची पाण्याची तहान वाढणार

नवरात्रोत्सवात महालक्ष्मी मंदिराला जाणाऱ्यांसाठी जादा बसेस धावणार

नवरात्रौत्सवाच्या निमित्ताने पुण्याच्या कार्ला येथील एकविरा देवी मंदिरामध्ये भाविकांची मोठ्या प्रमाणात गर्दी होणे अपेक्षित आहे. या पार्श्वभूमीवर वाहतूक कोंडी टाळण्यासाठी आणि सुरळीत, सुरक्षित वाहतूक व्हावी यासाठी पुणे जिल्हाधिकारी आणि जिल्हादंडाधिकारी जितेंद्र डुडी यांनी वाहतुकीत बदल करण्याचे आदेश दिले आहेत.

मोटार वाहन कायदा, 1988चे कलम 115 तसेच शासन गृह विभागाचे 19/05/1990 चे अधिसूचनेन्वये जिल्हाधिकारी तथा जिल्हादंडाधिकारी जितेंद्र डूडी यांनी खालीलप्रमाणे आदेश दिले आहेत.

दि. 22 सप्टेंबर 2025 ते दि. 02 ऑक्टोबर 2025 या कालावधीत कार्ला फाटा ते श्री. एकविरा देवी पायथा मंदिर या मार्गावर अवजड आणि मोठ्या वाहनांना पूर्णवेळ प्रवेश निषिद्ध (No Entry) राहील.

दि. 27 सप्टेंबर 2025 ते दि. 01 ऑक्टोबर 2025 सकाळी 06.00 ते रात्री 22.00 या वेळेत जुना मुंबई–पुणे व पुणे–मुंबई महामार्गावरील कुसगाव बुद्रुक टोलनाका लोणावळा ते वडगाव फाटा वडगाव मावळ या दरम्यान अवजड व मोठ्या वाहनांना प्रवेश निषिद्ध (No Entry) राहील.

जुना मुंबई-पुणे महामार्गावरून पुण्याकडे जाणारी जड आणि अवजड वाहने ही लोणावळा येथील कुसगाव बुद्रुक टोलनाका मार्गे एक्सप्रेस हायवेने उर्से टोलनाक्यामार्गे पुणे शहराकडे वळविण्यात येतील. पुणे-मुंबईकडे जाणारी जड आणि अवजड वाहने ही वडगाव येथील तळेगाव फाटा मार्गे उर्से खिंडीतून एक्सप्रेस हायवेने मुंबईकडे वळविण्यात येतील.

हेही वाचा

म्हाडाच्या AI चॅटबॉटचे लोकार्पण

शिवाजी पार्क जिमखान्याला हेरिटेज लूक