परिवहन मंत्री प्रताप सरनाईक यांनी मीरा-भाईंदर महानगरपालिका क्षेत्रातील सर्व रिक्षा (Rickshaw) परवान्यांची आणि बॅच वितरणाची संपूर्ण पुनर्तपासणी (Re verification) करून 1 मे पर्यंत अहवाल सादर करण्याचे निर्देश दिले आहेत.

आमदार नरेंद्र मेहता यांच्या तक्रारीनंतर, परिवहन मंत्री प्रताप सरनाईक (pratap sarnaik) यांच्या अध्यक्षतेखाली वांद्रे येथील जिल्हाधिकारी कार्यालयात सर्व राज्य परिवहन अधिकाऱ्यांची बैठक झाली.

परिवहन आयुक्त राजेश नार्वेकर, अतिरिक्त परिवहन आयुक्त भरत कळसकर, उपसचिव चेतन निकम आणि राज्यभरातील परिवहन अधिकारी व्हिडिओ कॉन्फरन्सिंगद्वारे या बैठकीत सहभागी झाले होते.

परिवहन मंत्री प्रताप सरनाईक म्हणाले, “परवाना देण्याची प्रक्रिया ऑनलाइन आहे, परंतु बनावट कागदपत्रांच्या आधारे परवाने दिले जात असल्याच्या तक्रारी समोर येत आहेत. मीरा-भाईंदर महानगरपालिका क्षेत्रात काही परदेशी नागरिकांनी रहिवासी प्रमाणपत्रांचा वापर करून रिक्षा आणि टॅक्सी परवाने मिळवल्याच्या घटनेची सखोल चौकशी केली जाईल.”

मीरा-भाईंदर परिसरात एक विशेष शिबिर आयोजित केले जाईल, जिथे सर्व रिक्षा परवान्यांची कसून तपासणी केली जाईल.

ही एक महिनाभर चालणारी मोहीम असेल, ज्यामध्ये प्रत्येक कागदपत्र तपासले जाईल. आवश्यकतेनुसार अधिकारी आणि कर्मचारी तैनात करण्याचे आदेशही देण्यात आले आहेत, असे परिवहन मंत्री प्रताप सरनाईक म्हणाले.

हेही वाचा

ठाणे (thane) जिल्ह्यातील पहिले तारांगण (Planetarium) शहापूर (shahapur) येथे उभारण्यात आले आहे. त्याचे उद्घाटन 5 एप्रिल रोजी सायंकाळी 5 वाजता खगोल अभ्यासक दा. कृ. सोमण आणि आमदार दौलत दरोडा यांच्या हस्ते होणार आहे.

निलेश ठाकूर आणि त्यांचे बंधू गिरीश ठाकूर यांनी खगोल शास्त्राची आवड जोपासत लोकांमध्ये खगोल विज्ञानाविषयी रुची निर्माण व्हावी या उद्देशाने हा महत्त्वाकांक्षी प्रकल्प उभारला आहे.

शहापूर तालुक्यातील साकडभाव, पोकळेवाडीनजीक जुनोनी-कोथरा मार्गावर साडेतीन एकर जागेत हा ‘सॅपो’ प्रकल्प उभारण्यात आला आहे.

या प्रकल्पात अत्याधुनिक तारांगणासोबत चार मोठ्या दुर्बिणी असलेली वेधशाळा उभारण्यात आली आहे.

तारांगणात 56 आसनव्यवस्था असून मराठी, हिंदी व इंग्रजी भाषांमध्ये अर्धा ते एक तासांचे खगोल शास्त्रीय शो दाखविण्याची सोय करण्यात आली आहे.

याशिवाय, प्रदर्शन हॉल, ‘सेल्फ पॉइंट्स’, मार्गदर्शनासाठी स्वयंसेवक तसेच खाद्यपदार्थांसाठी कॅन्टीनची सुविधा देखील उपलब्ध आहे.

खगोलप्रेमींसाठी हा प्रकल्प मोठे आकर्षण ठरणार आहे. इच्छुकांनी पूर्वनोंदणी करूनच भेट द्यावी, असे आवाहन करण्यात आले आहे.

ठाकूर बंधूंनी उभारलेले हे तारांगण ठाणे जिल्ह्याच्या शैक्षणिक आणि वैज्ञानिक क्षेत्रात महत्त्वपूर्ण भर घालणारे ठरणार आहे.

हेही वाचा

विश्व चैंपियन भारत जुलाई में तीन मैच की टी20 अंतरराष्ट्रीय श्रृंखला के लिए जिम्बाब्वे का दौरा करेगा जो हरारे स्पोर्ट्स क्लब में खेली जाएगी. भारतीय क्रिकेट बोर्ड (बीसीसीआई) ने बुधवार को एक बयान में बताया कि भारतीय पुरुष टीम 23, 25 और 26 जुलाई को हरारे स्पोर्ट्स क्लब में जिम्बाब्वे की टीम के खिलाफ तीन मैच खेलेगी.

यह भारत और जिम्बाब्वे के बीच 2026-27 सत्र के लिए निर्धारित की गई दो द्विपक्षीय श्रृंखलाओं में से पहली श्रृंखला होगी. जिम्बाब्वे अगले साल के शुरू में तीन वनडे मैच की श्रृंखला के लिए भारत का दौरा करेगा. यह मैच तीन, छह और नौ जनवरी को क्रमशः कोलकाता, हैदराबाद और मुंबई में खेले जाएंगे.

भारत ने पिछले महीने अहमदाबाद में खेले गए फाइनल में न्यूजीलैंड को हराकर लगातार दूसरी बार टी20 विश्व कप जीता था. इससे पहले भारत 2024 और 2007 में भी टी20 विश्व कप जीत चुका है.

भारत ने आखिरी बार 2024 में जिम्बाब्वे का दौरा किया था, जहां उसने पांच मैचों की टी20 श्रृंखला 4-1 से जीती थी.

शेड्यूल

1- गुरुवार, 23 जुलाई 2026 पहला टी20 (1st T20I) हरारे स्पोर्ट्स क्लब, हरारे
2- शनिवार, 25 जुलाई 2026 दूसरा टी20 (2nd T20I) हरारे स्पोर्ट्स क्लब, हरारे
3- रविवार, 26 जुलाई 2026 तीसरा टी20 (3rd T20I) हरारे स्पोर्ट्स क्लब, हरारे

मुंबई उपनगरांचे पालकमंत्री तसेच सांस्कृतिक कार्य आणि माहिती तंत्रज्ञान मंत्री आशिष शेलार (Ashish Shelar) यांनी नवी मुंबईत जागतिक दर्जाचे आधुनिक स्टेडियम उभारण्यासाठी आवश्यक नियोजन तातडीने पूर्ण करण्याचे निर्देश दिले आहेत.

स्टेडियमसाठी योग्य जागा निवडताना कनेक्टिव्हिटी, वाहतूक व्यवस्था, पार्किंग सुविधा आणि आवश्यक पायाभूत सुविधांचा सखोल विचार करण्यास सांगितले आहे.

नवी मुंबईत वर्ल्ड-क्लास स्टेडियम उभारण्यासंदर्भात मंत्रालयात आढावा बैठक पार पडली. या बैठकीला उरण मतदारसंघाचे आमदार महेश बालदी तसेच CIDCO चे अधिकारी उपस्थित होते.

नवी मुंबईतील प्रस्तावित स्पोर्ट्स सिटी परिसरात स्टेडियम उभारण्याचा पर्यायही विचाराधीन असून, त्या ठिकाणी सुमारे 50 टक्के जमीन आधीच संपादित करण्यात आली आहे. उर्वरित जमीन टप्प्याटप्प्याने संपादित करून प्रकल्पाला गती देण्याचे निर्देश मंत्री आशिष शेलार यांनी दिले.

या प्रकल्पासाठी आवश्यक आराखडा तयार करण्याबरोबरच प्रोजेक्ट मॅनेजमेंट कन्सल्टंट नेमण्याची प्रक्रिया सुरू करण्यास सांगण्यात आले आहे. मात्र त्याआधी जागा निश्चित करून प्राथमिक नियोजन पूर्ण करण्यावर भर देण्यात आला आहे.

प्रकल्प वेळेत पूर्ण व्हावा यासाठी सर्व संबंधित विभागांनी समन्वयाने काम करावे, असेही मंत्री शेलार यांनी स्पष्ट केले.

दरम्यान, स्टेडियमसाठी सुमारे 40 एकर जमीन आणि पूरक सुविधांसाठी अतिरिक्त 30 एकर जमिनीची गरज भासू शकते, अशी माहिती देण्यात आली. या प्रकल्पाचा सविस्तर आढावा घेण्यासाठी एप्रिलच्या मध्यापर्यंत प्राथमिक अहवाल सादर केला जाणार असून त्यानंतर पुढील आढावा बैठक होणार आहे.

हेही वाचा

मुंबईच्या महापौर रीतू तावडे यांनी गुरुदेव नम्रामुनी महाराज (Namramuni Maharaj) यांच्याबाबत केलेल्या वक्तव्यावरून सोशल मीडियावर झालेल्या ट्रोलिंगला उत्तर दिले आहे. त्यांनी स्पष्ट केले की, त्यांचे वक्तव्य हे केवळ वैयक्तिक आदर व्यक्त करण्यासाठी होते, अंधश्रद्धेला प्रोत्साहन देण्यासाठी नव्हते.

बोरिवली येथे नम्रामुनी महाराज यांच्या कार्यक्रमात त्या बोलल्या होत्या. या कार्यक्रमात डबेवाला (dabbawalas) यांना ई-बाइक्स देणे, दिव्यांगांसाठी रिक्षा उपलब्ध करून देणे आणि प्राणी रुग्णालयाचे उद्घाटन अशा विविध सामाजिक उपक्रमांचा समावेश होता.

आपल्या भाषणात त्यांनी सांगितले होते की, गुरूंनी सुचवलेल्या आध्यात्मिक पद्धतीमुळे त्यांच्या घशाच्या समस्येत सुधारणा झाली.

प्रेस कॉन्फरन्समध्ये टीकाकारांना उत्तर देताना महापौरांनी सांगितले की, त्यांनी फक्त कृतज्ञता आणि आदर व्यक्त केला होता. सोशल मीडियावर होणाऱ्या ट्रोलिंगचा त्यांनी तीव्र निषेध करत, अशा प्रतिक्रिया देणाऱ्यांच्या सभ्यतेवर प्रश्न उपस्थित केले आणि या टीका निराधार आणि अयोग्य असल्याचे म्हटले.

तसेच, नम्रामुनी महाराज यांचा उल्लेख हा केवळ वैयक्तिक श्रद्धेचा भाग असून अंधश्रद्धेचे समर्थन नसल्याचे त्यांनी पुन्हा स्पष्ट केले. आपल्या कुटुंबात इतर आध्यात्मिक व्यक्तींचाही आदर केला जातो, असेही त्यांनी नमूद केले.

हेही वाचा

मुंबईतील कामा हॉस्पीटलमध्ये 1 एप्रिल 2026 पासून नवीन Genetic Counseling Department सुरू होणार आहे. या विभागाच्या माध्यमातून आनुवंशिक (hereditary) आजारांचे निदान आणि मार्गदर्शन केले जाणार आहे. अनेक वेळा हे आजार लक्षात येत नाहीत, त्यामुळे त्याबाबत जनजागृती करणे हा या उपक्रमाचा मुख्य उद्देश आहे.

या विभागात लवकर निदान, समुपदेशन (counseling) आणि व्यवस्थापन यावर विशेष भर दिला जाणार आहे. तसेच गर्भावस्थेतील (prenatal) आणि नवजात (newborn) तपासण्या करून कुटुंबांना संभाव्य जोखमी समजून घेण्यास आणि योग्य निर्णय घेण्यास मदत केली जाईल.

येथे डाऊन सिंड्रम, थलेसिमिया (Thalassemia), अनेमिया (Sickle cell anemia) आणि टर्नर सिंड्रोम यांसारख्या महत्त्वाच्या आनुवंशिक आजारांचे निदान केले जाईल. रुग्ण आणि त्यांच्या कुटुंबियांना वैद्यकीय सल्ल्यासोबतच भावनिक आधारही दिला जाणार आहे.

या विभागाचे नेतृत्व Dr. Shabana Borate आणि Dr. Kshamata Kindre करणार असून, अत्याधुनिक तंत्रज्ञान आणि शास्त्राधारित पद्धतींचा वापर केला जाईल. रुग्णालयाचे अधीक्षक Dr. Tushar Palwe यांनी सांगितले की, या सेवेमुळे प्रतिबंधात्मक आरोग्यसेवा अधिक मजबूत होईल. लवकर उपचार शक्य होतील आणि प्रगत जनुकीय सेवा सर्वसामान्यांपर्यंत पोहोचतील.

हेही वाचा