मुंबईतील काळाचौकी परिसरातील दीर्घकाळ प्रलंबित असलेल्या अभ्युदय नगर पुनर्विकास प्रकल्पाला अखेर गती मिळाली आहे. महाराष्ट्र गृहनिर्माण आणि क्षेत्रविकास प्राधिकरणाने (MHADA) 33 एकर वसाहतीच्या पुनर्विकासासाठी MGN Agro Properties नेतृत्वाखालील कन्सोर्टियमची निवड केली आहे.
या प्रकल्पाअंतर्गत 3 हजारांहून अधिक जुन्या घरांचे पुनर्विकास करण्यात येणार आहे. तो कन्स्ट्रक्शन अँड डेव्हलपमेंट (C&D) मॉडेल अंतर्गत राबवला जाणार आहे. पात्र रहिवाशांना सुमारे 614 चौरस फुटांचे पुनर्वसित घर देण्याचे आश्वासन देण्यात आले आहे. सध्याच्या लहान घरांच्या तुलनेत ही घरे अधिक प्रशस्त असणार आहेत.
यापूर्वी आर्थिक व्यवहार्यता आणि विकासकांचा कमी प्रतिसाद यामुळे अनेकदा हा प्रकल्प रखडला होता. मात्र, रहिवाशांसाठी वाढीव कार्पेट एरिया आणि अतिरिक्त प्रोत्साहनामुळे अखेर विकासकांचा प्रतिसाद मिळाला.
प्रकल्पात आधुनिक पायाभूत सुविधा, सुधारित सोयीसुविधा आणि विक्रीयोग्य अतिरिक्त घरे उभारण्यात येणार आहेत. ज्यामुळे प्रकल्प आर्थिकदृष्ट्या सक्षम होणार आहे. अंतिम मंजुरी आणि सरकारी प्रक्रिया पूर्ण झाल्यानंतर प्रत्यक्ष बांधकामाला सुरुवात होणार आहे.
अभ्युदय नगर पुनर्विकास हा मुंबईतील महत्त्वाच्या शहरी पुनर्निर्माण प्रकल्पांपैकी एक मानला जात असून, जुन्या आणि धोकादायक इमारतींच्या जागी सुरक्षित व नियोजित घरे उपलब्ध करून देण्याचा उद्देश आहे.
हेही वाचा
