मुंबईतील (mumbai) बेस्ट डेपो आणि आस्थापनांमधील सुरक्षा अधिक मजबूत करण्याच्या उद्देशाने, बृहन्मुंबई विद्युत पुरवठा आणि परिवहन (बेस्ट) उपक्रम सोल्जर बोर्डामार्फत 181 सेवानिवृत्त सैनिकांची (बीएसएफ, सीआयएसएफ, सीआरपीएफ) (retired soldiers) भरती करणार आहे.
सुरक्षा कर्मचाऱ्यांची तीव्र कमतरता दूर करणे, डेपोमधील पाळत सुधारणे आणि बेस्टच्या जमिनीवरील अतिक्रमणांना आळा घालणे, हे या प्रस्तावाचे उद्दिष्ट आहे.
बेस्टच्या अधिकाऱ्यांनी सांगितले की, पात्र उमेदवारांची संख्या वाढवण्यासाठी भरतीसाठीची कमाल वयोमर्यादा 40 वरून 45 वर्षे करण्याचा प्रस्तावही उपक्रमाने ठेवला आहे.
अनेक डेपोंना चोरी, अतिक्रमण आणि जमिनीवर अवैध कब्जा यांसारख्या सुरक्षा आव्हानांचा सामना करावा लागत असतानाच हा निर्णय घेण्यात आला आहे.
बेस्ट समितीच्या सदस्यांनुसार, सुरक्षा कर्मचाऱ्यांच्या कमतरतेमुळे अनेक डेपोचे दरवाजे बंद ठेवावे लागत आहेत किंवा त्यांच्यावर अपुरी देखरेख ठेवली जात आहे.
यामुळे काही परिसर अतिक्रमण आणि अनधिकृत कारवायांसाठी असुरक्षित बनले आहेत. काही महिन्यांपूर्वी शिवाजी नगर डेपोमधून जवळपास 10 इलेक्ट्रिक बस चार्जिंग गन कथितरित्या चोरीला गेल्यानंतर सुरक्षेची चिंता अधिक वाढली.
तसेच त्यानंतर या प्रकरणात एफआयआर दाखल करण्यात आला. मिळालेल्या माहितीनुसार, डेपोच्या परिसरातील संशयास्पद हालचालींवर आक्षेप घेण्याचा प्रयत्न केल्यावर समाजकंटकांकडून धोका असल्याची चिंता डेपो कर्मचाऱ्यांनी व्यक्त केली होती.
हेही वाचा
