आर्थिक संकटात सापडलेल्या बेस्ट (best) उपक्रमासाठी मुंबई महापालिकेने (brihanmumbai municipal corporation)आर्थिक मदतीचे पाठबळ दिले आहे. 2026-27 च्या अर्थसंकल्पात बेस्ट उपक्रमासाठी 1 हजार कोटी रुपयांची तरतूद करण्यात आली आहे.
गेल्या काही वर्षांपासून बेस्ट उपक्रमाची आर्थिक कोंडी दिवसेंदिवस वाढत आहे. बेस्ट उपक्रमाची आर्थिक कोंडी फोडण्यासाठी पालिका प्रशासनाने वेळोवेळी आर्थिक मदतीचा हात पुढे केला आहे.
जानेवारी 2012-13 पासून जानेवारी 2026 पर्यंत तब्बल 12028.81 कोटींची आर्थिक मदत (grant) केली आहे.
तसेच यंदाच्या अर्थसंकल्पात (budget) बेस्ट उपक्रमाने हाती घेतलेले प्रकल्प यासाठी 1 हजार कोटी रुपयांच्या अनुदानाची तरतूद यंदाच्या अर्थसंकल्पात करण्यात आली आहे.
ही रक्कम टप्प्याटप्प्याने बेस्ट उपक्रमाला अदा करण्यात येईल, अशी माहिती पालिका प्रशासनाकडून देण्यात आली.
बृहन्मुंबई (mumbai) महानगरपालिकेला सद्यस्थितीत हाती घेतलेल्या प्रकल्पांसाठी आणि इतर महत्त्वाच्या उद्दिष्टांकरिता मोठ्या प्रमाणात निधीची आवश्यकता आहे.
असे असतानाही बेस्ट उपक्रमाची आर्थिक परिस्थिती विचारात घेता, बेस्ट उपक्रमास अनुदान म्हणून 2026-27 च्या अर्थसंकल्पीय अंदाजामध्ये 1 हजार कोटींची मदत देण्यात येणार आहे.
हेही वाचा
