मुंबई सेंट्रल रेल्वे स्थानकातील प्लॅटफॉर्म क्रमांक 5 च्या कामासाठी पश्चिम रेल्वे प्रशासनाने सोमवारी 60 दिवसांचा ब्लॉक जाहीर केला.
विशेष म्हणजे, हा ब्लॉक तत्काळ प्रभावाने लागू करण्यात आला. त्यामुळे लांब पल्ल्याच्या गाड्यांच्या वाहतुकीवर परिणाम झाल्याने प्रवाशांची गैरसोय झाली. परराज्यातून मुंबईत आलेल्या एक्स्प्रेसचा प्रवास दादर स्थानकात समाप्त करण्यात आला. पुढील दोन महिने गाड्यांच्या वेळापत्रकात हा बदल राहणार आहे.
प्रभादेवी रेल्वे स्थानकावरील एल्फिन्स्टन पुलाचे पाडकाम शनिवारी रात्री पूर्ण करण्यात आले. त्या पाडकामामुळे वेळोवेळी घेतलेल्या ब्लॉकचा उपनगरी आणि एक्सप्रेस गाडय़ांच्या वेळापत्रकावर परिणाम झाला. त्यापाठोपाठ लगेचच मुंबई सेंट्रल स्थानकात 60 दिवसांचा ब्लॉक जाहीर करण्यात आला.
मुंबई सेंट्रल स्थानकाच्या प्लॅटफॉर्म क्रमांक 5 वर संपूर्ण रुळ नूतनीकरणाचे काम हाती घेतले आहे. यासाठी तत्काळ प्रभावाने 60 दिवसांचा ब्लॉक घेण्यात असल्याचे पश्चिम रेल्वे प्रशासनाने सोमवारी जाहीर केले.
पुढील आदेश प्राप्त होईपर्यंत ओखा-मुंबई सेंट्रल ‘सौराष्ट्र मेल’, हजरत निजामुद्दीन-मुंबई सेंट्रल एक्सप्रेस (दर बुधवारी व रविवारी), कानपूर अन्वरगंज-मुंबई सेंट्रल एक्सप्रेस (दर मंगळवारी), काठगोदाम-मुंबई सेंट्रल एक्सप्रेस (दर शुक्रवारी) या गाडय़ांचा प्रवास मुंबई सेंट्रलऐवजी दादर स्थानकात समाप्त करण्यात येणार आहे.
हेही वाचा
