मुंबई मेट्रो लाईन 9 च्या पहिल्या टप्प्याचे (दहिसर पूर्व ते काशिगाव) उद्घाटन 7 एप्रिल रोजी करण्यात आले आहे. उद्यापासून म्हणजेच 8 एप्रिलपासून ही सेवा प्रवाशांसाठी सुरू होणार आहे.
या मेट्रो सेवेला महाराष्ट्राचे मुख्यमंत्री देवेंद्र फडणवीस (Devendra Fadnavis) यांनी हिरवा झेंडा दाखवला. यावेळी उपमुख्यमंत्री एकनाथ शिंदे (Eknath Shinde), परिवहन मंत्री प्रताप सरनाईक (Pratap Sarnaik) आणि मुंबईच्या महापौर रितू तावडे (Ritu Tawde) उपस्थित होते.
या नव्या मार्गामध्ये दहिसर ते मीरा रोडमधील काशिगावपर्यंत सुमारे 4.5 किमी अंतरावर चार स्थानके आहेत. यामध्ये दहिसर, पंधुरंगवाडी, मिरागाव आणि काशिगाव या स्थानकांचा समावेश आहे. ही मेट्रो लाईन पश्चिम द्रुतगती महामार्गालगत (WEH) धावते, त्यामुळे दहिसर टोल नाक्यावरील वाहतूक कोंडीला पर्याय मिळणार आहे.
या प्रकल्पामुळे मीरा रोड परिसराला प्रथमच मेट्रो कनेक्टिव्हिटी मिळाली आहे. उर्वरित चार स्थानके, जी भायंदर पश्चिमपर्यंत जाणार आहेत, ती पुढील सहा महिन्यांत सुरू होण्याची अपेक्षा आहे.
हेही वाचा
