मुंबई महापालिकेच्या गोरेगाव–मुलुंड जोड मार्ग (GMLR) प्रकल्पातील उड्डाणपूल बांधकामात विलंब झाल्यामुळे संबंधित कंत्राटदारावर 50 लाख रुपयांचा दंड ठोठावण्यात आला आहे. हा उड्डाणपूल दिंडोशी न्यायालय ते दादासाहेब फाळके चित्रनगरी दरम्यान उभारला जात आहे. अतिरिक्त आयुक्त अभिजीत बांगर यांच्या पाहणीनंतर ही कारवाई करण्यात आली.
हा प्रकल्प पश्चिम आणि पूर्व उपनगरांमधील वाहतूक कोंडी कमी करून जलद आणि सुरक्षित प्रवास सुविधा देण्यासाठी महत्त्वाचा मानला जातो. त्यामुळे सर्व कामे ठरलेल्या कालमर्यादेत पूर्ण करण्यासाठी महापालिकेने वेळापत्रक निश्चित केले आहे.
उड्डाणपूल पावसाळ्यापूर्वी पूर्ण करून 31 मे 2026 पर्यंत वाहतुकीसाठी खुला करण्याचे उद्दिष्ट होते. मात्र काम अपेक्षित गतीने झाले नसल्याने दंड आकारण्याचे निर्देश देण्यात आले. हा पूल सुमारे 1.26 किमी लांबीचा असून सध्या सुमारे 75% काम पूर्ण झाले आहे.
या प्रकल्पात पुढे ट्विन्स टनलसाठी अत्याधुनिक TBM यंत्रे वापरण्यात येणार आहेत. त्यासाठी मोठ्या क्षमतेच्या क्रेन साइटवर आणण्याची प्रक्रिया सुरू आहे. मार्च 2026 पर्यंत TBM जमिनीखाली उतरवण्याची तयारी केली जाणार आहे.
हेही वाचा
