सिडकोने नवी मुंबईमध्ये 4,508 रेडी-टू-मूव्ह घरे देणारी एक नवीन गृहनिर्माण योजना (housing scheme) सुरू केली आहे.
ऑनलाइन नोंदणी 22 नोव्हेंबर 2025 रोजी दुपारी 4:00 वाजता सुरू होईल. पहिल्यांदाच, अर्जदारांना त्यांच्या पसंतीचे घर निवडण्याची मुभा असेल. कारण ही योजना लॉटरीवर नसून प्रथम येणाऱ्यास प्राधान्य या तत्त्वावर असणार आहे.
ही घरे तळोजा (taloja), द्रोणागिरी, घणसोली, खारघर आणि कळंबोली येथे आहेत. पीएमएवाय अंतर्गत ईडब्ल्यूएससाठी 1,115 युनिट्स आणि एलआयजीसाठी 3,393 युनिट्स आहेत.
ईडब्ल्यूएस खरेदीदारांना 2.5 लाख रुपयांच्या पीएमएवाय अनुदानाचा देखील लाभ घेता येईल.
सिडकोच्या (CIDCO) म्हणण्यानुसार, सर्व सदनिका आवश्यक सुविधांनी सुसज्ज आहेत आणि येणाऱ्या नवी मुंबई (navi mumbai) आंतरराष्ट्रीय विमानतळाजवळ चांगल्या प्रकारे जोडलेल्या आणि वेगाने विकसित होणाऱ्या नोड्समध्ये आहेत.
तसेच पूर्ण पैसे भरल्यानंतर खरेदीदारांना लगेच त्यांच्या घराचा ताबा मिळेल.
अर्जदार cidcofcfs.cidcoindia.com वर ऑनलाइन नोंदणी करू शकतात. यासाठी 236 रुपये नोंदणी शुल्क भरावे लागेल.
21 डिसेंबर 2025 पर्यंत नोंदणी करणाऱ्यांना 28 डिसेंबर 2025 रोजी सकाळी 11.00 वाजेपासून त्यांच्या पसंतीचे घर निवडता येईल.
सिडकोने नागरिकांना लवकर नोंदणी करण्याचे आवाहन केले आहे. कारण घरांचे वाटप प्रथम येणाऱ्यास प्राधान्य या तत्त्वावर केले जाईल.
हेही वाचा
