आठवडाभराच्या मुसळधार पावसानंतर मुंबईतील (mumbai) सात प्रमुख पाणीपुरवठा (water supply) करणारे तलाव त्यांच्या पूर्ण क्षमतेपर्यंत पोहोचण्याच्या जवळ आहेत. आज सकाळी 6 वाजता महापालिकेने नोंदवलेल्या आकडेवारीनुसार, या तलावांमध्ये (lake) सध्या 95.17% पाणीसाठा आहे.
हा आकडा 2024 मध्ये त्याच तारखेसाठी नोंदवलेल्या 94.49% पाणीसाठ्याच्या पातळीपेक्षा आणि 2023 च्या 83.72% पाणीसाठ्याच्या पातळीपेक्षाही जास्त आहे.
हे लक्षात घेण्यासारखे आहे की, विहार तलाव, तुळशी तलाव आणि मोडक सागर तलाव 100% पाणीसाठ्याच्या स्थितीपर्यंत पोहोचले आहेत. बुधवारी झालेल्या मुसळधार पावसामुळे (mumbai rains) शहरात मोठ्या प्रमाणात पाणी साचले, ज्यामुळे अनेक लोकल ट्रेन सेवा रद्द कराव्या लागल्या आहेत.
भारतीय हवामानशास्त्र विभागाने (IMD) अंदाज वर्तवला आहे की पुढील सात दिवसांत या प्रदेशातील बहुतेक ठिकाणी हलका ते मध्यम पाऊस पडण्याची शक्यता आहे आणि 25 ऑगस्टपासून कोकण, मध्य महाराष्ट्र आणि लगतच्या गुजरातमध्ये पाऊस वाढण्याची शक्यता आहे.
बृहन्मुंबई महानगरपालिकेने (BMC) परिस्थितीचा सामना करण्यासाठी शहर आणि उपनगरांमध्ये आपले सर्व पथके आणि उपकरणे तैनात केली आहेत.
हेही वाचा
